SSC GD Notification 2025: నిరుద్యోగ యువతకు శుభవార్త! స్టాఫ్ సెలక్షన్ కమిషన్ (SSC) 39,481 కానిస్టేబుల్ (జీడీ) పోస్టుల భర్తీ కోసం భారీ నోటిఫికేషన్ విడుదల చేసింది. ఈ నోటిఫికేషన్‌కు సంబంధించిన విద్యార్హతలు, వయోపరిమితి, ఫీజు, అప్లికేషన్ విధానం మరియు ఇతర ముఖ్యమైన వివరాలు ఈ కింద ఇవ్వబడ్డాయి.
స్టాఫ్ సెలక్షన్ కమిషన్ (SSC) 39,481 కానిస్టేబుల్ (జీడీ) పోస్టుల భర్తీకి సంబంధించిన నోటిఫికేషన్‌ను విడుదల చేసింది. 2025 జనవరి లేదా ఫిబ్రవరిలో రాత పరీక్షలు జరగనున్నాయి. పదో తరగతి ఉత్తీర్ణులైన అభ్యర్థులు ఈ పోస్టులకు అర్హులు. అర్హత కలిగిన మరియు ఆసక్తి ఉన్న వారు దరఖాస్తు ప్రక్రియను గడువులోగా పూర్తి చేయవచ్చు.
పోస్టుల వివరాలు:
- బీఎస్‌ఎఫ్‌, సీఐఎస్‌ఎఫ్‌, సీఆర్‌పీఎఫ్‌, ఐటీబీపీ, ఎస్‌ఎస్‌బీ, ఎస్‌ఎస్‌ఎఫ్‌ సంస్థల్లో కానిస్టేబుల్ (జనరల్ డ్యూటీ) పోస్టులు
- అసోం రైఫిల్స్‌లో రైఫిల్‌మ్యాన్ (జనరల్ డ్యూటీ) పోస్టులు
- ఎన్‌సీబీలో సిపాయి పోస్టులు
విద్యార్హతలు:
- ప్రభుత్వ గుర్తింపు పొందిన బోర్డు/యూనివర్సిటీ నుంచి పదో తరగతి ఉత్తీర్ణులు కావాలి.
ఫిజికల్ స్టాండర్డ్స్:
- పురుష అభ్యర్థుల ఎత్తు 170 సెంటీమీటర్లకు, మహిళా అభ్యర్థుల ఎత్తు 157 సెంటీమీటర్లకు తగ్గకూడదు.
వయస్సు:
- అభ్యర్థుల వయస్సు 18 నుంచి 23 ఏళ్ల మధ్యలో ఉండాలి.
- ఓబీసీ అభ్యర్థులకు మూడేళ్లు; ఎస్టీ, ఎస్సీ అభ్యర్థులకు ఐదేళ్లు వయోపరిమితి సడలింపు ఉంటుంది.
దరఖాస్తు రుసుము:
- జనరల్ మరియు ఓబీసీ అభ్యర్థులు రూ.100 చెల్లించాలి.
- మహిళలు, మాజీ సైనిక ఉద్యోగులు, ఎస్టీ, ఎస్సీ అభ్యర్థులు ఫీజు చెల్లించాల్సిన అవసరం లేదు.
ఎంపిక విధానం:
- రాత పరీక్ష, ఫిజికల్ ఎఫీషియెన్సీ టెస్ట్, ఫిజికల్ స్టాండర్డ్ టెస్ట్, వైద్య పరీక్షలు, ధ్రువపత్రాల పరిశీలన ఆధారంగా అభ్యర్థులను ఎంపిక చేస్తారు.
సీబీఈ పరీక్ష విధానం:
- ప్రశ్నాపత్రం 160 మార్కులకు ఉంటుంది. ప్రతి ప్రశ్నకు రెండు మార్కులు. జనరల్ ఇంటెలిజెన్స్ & రీజనింగ్, జనరల్ నాలెడ్జ్ & జనరల్ అవేర్‌నెస్, ఎలిమెంటరీ మ్యాథమెటిక్స్, ఇంగ్లీష్/హిందీ అంశాలపై ప్రశ్నలు. పరీక్ష వ్యవధి 60 నిమిషాలు. నెగటివ్ మార్కింగ్ విధానం ఉంటుంది.
దరఖాస్తు విధానం:
- అభ్యర్థులు SSC అధికారిక వెబ్‌సైట్‌లో దరఖాస్తు చేసుకోవాలి. పరీక్ష ఫీజు ఆన్‌లైన్‌లో చెల్లించాలి.
పరీక్షా కేంద్రాలు:
ఆంధ్రప్రదేశ్:
- విజయనగరం, విశాఖపట్నం, కాకినాడ, రాజమహేంద్రవరం, విజయవాడ, గుంటూరు, నెల్లూరు, చీరాల, కర్నూలు, తిరుపతి
తెలంగాణా:
- హైదరాబాద్, కరీంనగర్, వరంగల్
ముఖ్యమైన తేదీలు:
- దరఖాస్తులు ప్రారంభం: 2024 సెప్టెంబర్ 5
- దరఖాస్తుకు చివరి తేదీ: 2024 అక్టోబర్ 14
- ఎడిట్ ఆప్షన్: నవంబర్ 5, 6, 7
- పరీక్ష తేదీలు: 2025 జనవరి/ఫిబ్రవరి